想搵個就腳又方便大家嘅地點歎buffet，旺角自助餐就係最理想嘅選擇～
今次HotelJetso 精選咗3間旺角自助餐，不論係任食即開生蠔、原隻開邊龍蝦、麵包蟹，或各國特色美食、精緻甜品，都一應俱全，優惠更低至48折！
一齊睇下今次精選推介有邊幾間啦：
目錄：
- 旺角自助餐｜1. 香港康得思酒店 Cordis The Place 自助餐
- 旺角自助餐｜2. 城景國際酒店 City Café 自助午餐及自助晚餐
- 旺角自助餐｜3. 仕德福酒店 德福閣自助晚餐
旺角自助餐｜1. 香港康得思酒店 Cordis The Place 自助餐
The Place 位於旺角核心地段，喺康得思酒店嘅L樓層，地點方便，落地大玻璃設計開揚通透，坐得舒服之餘視野都好開闊。餐廳走簡約時尚風，氣氛寧靜悠閒，適合同朋友傾偈慢慢食。
食物方面，海鮮區好有誠意，有齊龍蝦鉗、熟蝦、藍青口、翡翠螺，仲有即開嘅紐西蘭或者美國生蠔。冰鎮麵包蟹新鮮飽滿，啖啖蟹肉真係唔客氣。唔止冷盤，蒸氣海鮮區仲有鮑魚、海蝦、扇貝，全部即蒸即食，好鮮甜。
熱食區有避風塘炒大蝦、明太子焗扇貝、酥炸生蠔，重口味啲嘅朋友一定會鍾意。鐵板燒同即煮區有香煎鵝肝、多款串燒同即切烤牛肋骨，香味四溢，經過都忍唔住要攞返幾件。
甜品方面都毫不馬虎，有焙茶焦糖燉蛋、柚子馬卡龍、伯爵茶杏仁黃金磚、葡撻同仙草凍，仲有任食MÖVENPICK雪糕。星期六、日同公眾假期限定供應下午茶自助餐，鐘意甜品嘅人一定要bookmark定。
依家經Hotel Jetso連結預訂，優惠低至8折，不時更有買一送一快閃折扣，預訂部分時段仲可以免費暢飲精選啤酒同紅白酒！
旺角自助餐｜The Place自助餐 詳情
- 優惠及預訂：按此即享優惠
- 地址：九龍旺角上海街555號 香港康得思酒店L樓層
旺角自助餐｜2. 城景國際酒店 City Café 自助午餐及自助晚餐
講到旺角平靚正嘅酒店自助餐，城景國際酒店嘅City Café 都絕對唔可以忽略。無論午市定晚市都有唔同主題，價錢方面都好有競爭力，午餐低至67折，晚餐更低至48折，性價比超高。
午市自助餐主打環球美食，款式多到數唔晒，包括沙律冷盤、即製壽司、刺身、幾款時令海鮮，仲有每日唔同款嘅即切燒肉，如燒美國牛肉眼、烤羊腿等，肉香撲鼻。經指定網站預訂，仲有低至67折優惠！
至於晚市自助餐就更豪華，海鮮種類比午市更豐富，有空運生蠔、雪花蟹腳、凍蝦等，熱食則有即切低溫慢燒澳洲和牛、香草燒羊鞍，甜品可任食多種口味雪糕，更可以無限添飲果汁、紅白餐酒及啤酒！
如果你想搵間唔洗太貴又有質素嘅酒店自助餐，City Café絕對係一個實力之選，特別係宜家經Hotel Jetso連結預訂仲可以享至抵折扣，實實在在幫你慳返唔少。
旺角自助餐｜城景閣City Cafe自助餐 詳情
- 優惠及預訂：按此即享優惠
- 地址：油麻地窩打老道23號城景國際1樓
旺角自助餐｜3. 仕德福酒店 德福閣自助晚餐
第三間推介係旺角仕德福酒店嘅德福閣，位置就喺豉油街，對面就係朗豪坊，地點好方便。
餐廳設計簡潔有格調，行入去有種歐陸風格嘅優雅感覺，座位闊落，坐得舒服，聚餐一流。
食物分幾大區：海鮮、刺身冷盤、熱盤主食同甜品。海鮮有松葉蟹、紐西蘭生蠔、青口同凍蝦，生蠔夠晒鮮甜，肉質滑又唔腥。
刺身方面有三文魚、八爪魚、吞拿魚、希靈魚等基本款，啱晒鍾意食冷盤嘅人。熱盤有燒牛肉、芝士焗生蠔，肉質嫩滑唔過熟，食落唔會乾。
晚市自助餐嘅時段亦非常充足，食足三個鐘唔駛趕，慢慢傾計慢慢歎。價錢方面親民，最平二百幾蚊起，CP值高。
旺角自助餐｜德福閣自助晚餐 詳情
- 自助餐預訂：德福閣
- 地址：旺角豉油街118號仕德福酒店閣樓
旺角作為地點方便又多選擇嘅覓食熱點，自助餐方面同樣唔輸其他地區。三間酒店分別主打唔同風格，一間走高質海鮮同舒適環境，兩間親民價錢但食物選擇夠多，視乎你鍾意邊一種氣氛。
下次想約朋友去旺角歎buffet，不妨參考一下啦～
最後，記得上 HotelJetso 睇最新自助餐優惠，我哋每日都會更新限時著數，包括信用卡折扣、預訂優惠碼同獨家折扣，幫你慳得更多。
HotelJetso 致力搜羅最新最齊全的香港酒店優惠資訊，包括自助餐、住宿、Spa等，帶你用最抵價錢歎盡高質酒店享受。無論你係想搵地方慶生、情侶拍拖定家庭聚餐，我哋都會幫你搵到啱心水。
如果想搵更多香港自助餐優惠同推介，Klook 每星期都會有唔同嘅快閃優惠，可以去睇下！