慶祝聚會仲只去自助餐？近年興起嘅半自助晚餐，不僅價格較親民，半自助嘅形式更能滿足到想享受任食海鮮，同時又想主菜食得精緻嘅朋友，對於胃口較少嘅人士嚟講，性價比亦相對高啲！
今次 HotelJetso 就揀選咗5間有供應半自助晚餐嘅酒店推介，有興趣嘅就快啲睇落去啦！
目錄：
- 半自助晚餐｜1. 觀塘九龍東如心酒店 I-O-N
- 半自助晚餐｜2. 歷山酒店 歷山餐廳
- 半自助晚餐｜3. 荃灣悦品酒店 The Platter
- 半自助晚餐｜4. 屯門悦品度假酒店 The Platter
- 半自助晚餐｜5. 香港美利酒店 Garden Lounge
半自助晚餐｜1. 觀塘九龍東如心酒店 I-O-N
位於觀塘嘅I-O-N餐廳因半自助晚餐而備受好評。顧客可以於自助區任享多款新鮮海鮮、日式刺身以及各種開胃菜。主菜方面，主廚會隨季節推出唔同主題菜式，於5月就有多款經典法國美食，以及法國傳統甜品！
優惠及預訂詳情：I-O-N
地址：觀塘創業街38號九龍東如心酒店2樓（地圖）
半自助晚餐｜2. 歷山酒店 歷山餐廳
歷山酒店嘅半自助晚餐提供多種精緻選擇，包括新鮮沙律、壽司刺身、冰鎮海鮮等自助美食。另外，富經驗嘅廚師團隊會為你炮製多款東南亞、西式及中式主菜，如泰式馬沙文咖喱雞配白飯、薑蔥霸王雞、美式燒豬排骨伴雜果仁等！
優惠及預訂詳情：歷山餐廳
地址：香港北角城市花園道32號歴山酒店 歷山餐廳 / 宴會廳（地圖）
半自助晚餐｜3. 悦品酒店.荃灣 The Platter
The Platter餐廳於逢星期一至五供應悠閒半自助晚餐，自助美食有冰鎮海鮮、自助沙律吧及精緻甜品。半自助晚餐嘅主菜有烤波士頓龍蝦、烤美國安格斯肉眼等，而且每星期都會變更，充滿新意！有興趣嘅話記得留意網站最新菜單喇～
優惠及預訂詳情：荃灣 The Platter
地址：葵涌青山公路 – 葵涌段443號悦品酒店‧荃灣LG樓（地圖）
半自助晚餐｜4. 悦品度假酒店‧屯門 The Platter
位於屯門嘅悦品度假酒店亦有推出半自助晚餐，供應嘅自助菜式、主菜都同荃灣店相同，價錢亦係一樣。如果你係屯門人，唔想去太遠食飯或慶祝，咁呢間屯門悦品度假酒店就係唔錯嘅半自助晚餐選擇啦～
優惠及預訂詳情：屯門 The Platter
地址：屯門建豐街4號悦品度假酒店‧屯門2樓（地圖）
半自助晚餐｜5. 香港美利酒店 Garden Lounge
與本文介紹嘅其他半自助晚餐相比，香港美利酒店嘅半自助晚餐價格最為昂貴，不過相對地，食物質素同環境都相當出色！自助海鮮就有生蠔、鮑魚、小龍蝦等，主菜更是由主廚即製，餐後更可以去造型精美嘅甜品自助區挑選繽紛蛋糕。
酒店不時都會有買一送一優惠，用埋優惠就唔會咁心疼銀包啦～
優惠及預訂詳情：Garden Lounge
地址：中環紅棉路22號尼依格羅香港美利酒店UG花園樓層（地圖）
呢篇文章向大家介紹咗5間小編認為值得一試嘅半自助晚餐，下次聚餐或慶生想搵半自助餐嘅時候，不妨試試！
如果想搵更多香港自助餐優惠同推介，Klook 每星期都會有唔同嘅快閃優惠，可以去睇下！