講到慶祝生日，梗係要搵個又靚又正嘅地方，食返餐豐富自助餐，先夠儀式感啦！
今次 Hotel Jetso 為大家精選咗全港各區有 自助餐生日優惠、限時自助餐優惠 嘅香港酒店，
無論你鍾意靚景、浪漫氛圍，定係海鮮任食，總有一間啱你心水。
喺呢篇文章，就同我哋一齊睇下，邊間酒店嘅自助餐最適合你下次生日開心慶祝啦！
- 香港逸東酒店自助餐 – The Astor
- 香港康得思酒店自助餐 – The Place
- 朗廷酒店自助餐 – The Food Gallery
- 唯港薈 Hotel ICON 自助餐 – The Market
- 九龍海逸君綽酒店自助餐 – The Promenade
- 美麗華酒店自助餐 – Yamm
- 香港W酒店自助餐 – KITCHEN
- 香港嘉里酒店自助餐 – 大灣咖啡廳
- 香港麗思卡爾頓酒店 The Ritz-Carlton – Café 103
- 恆豐酒店自助餐 Prudential Hotel – 紅煙窗餐廳
- 都會海逸酒店自助餐 – Promenade Restaurant
- 九龍酒店自助餐 – The Window Cafe
- 香港富麗敦海洋公園酒店自助餐 – Lighthouse Café
- 香港海洋公園萬豪酒店自助餐 – Marina Kitchen
- 香港文華東方酒店自助餐 – The Clipper Lounge
- 香港萬怡酒店自助餐 – MoMo Cafe Buffet
- 香港美利酒店 The Murray – Garden Lounge
- 香港港麗酒店 Conrad Hong Kong – 樂聚廊 Lobby Lounge
- 港島香格里拉 Island Shangri-La Hong Kong – Cafe TOO
- 香港萬麗海景酒店自助餐 – 萬麗咖啡室
- 合和酒店 Hopewell Hotel – 大堂咖啡廳
- 香港東隅自助餐 – FEAST (Food by EAST)
- 香港柏寧酒店自助餐 – PLAYT
- 南灣如心酒店自助餐 – I-O-N
- WM酒店 – WM咖啡廳
- 沙田萬怡酒店自助餐 – MoMo Cafe
- 荃灣帝盛酒店 – Dorsett Cafe
- 香港黃金海岸酒店自助餐－Café Lagoon
- 挪亞方舟豐盛閣餐廳 – Harvest Restaurant
- 香港天際萬豪酒店 – 天際咖啡室
- 旭逸酒店 ‧ 荃灣 Hotel Ease Tsuen Wan｜Eat@ease
2025 自助餐生日優惠推介｜1. 九龍區
2025 自助餐生日優惠｜1.1. 香港逸東酒店自助餐 – The Astor
位於佐敦嘅The Astor自助餐向來係人氣之選，自助餐由廚師精選新鮮食材，炮製超過200款美食。
自助晚餐可以任食生蠔、蟹腳、麵包蟹，不時推出四人同行85折優惠、買一送一優惠等，啱晒同屋企人食生日飯。
人氣美食推介即切油甘魚、香烤有骨肉眼、香烤豬腩卷、米芝蓮一星燒味「招牌蜜汁叉燒」。自助餐包任飲咖啡、茶、汽水、果汁及主題特飲，而晚市更可享無限暢飲啤酒及精選紅白酒！
2025自助餐生日優惠 – 香港逸東酒店自助餐 The Astor｜ 詳情
2025 自助餐生日優惠｜1.2. 香港康得思酒店自助餐 – The Place
The Place餐廳由國際知名建築事務所Stickman設計，以柔和色調裝修，打造出溫馨嘅用餐氛圍。
無論係自助午餐或自助晚餐，美食種類都好豐富，從冰鎮海鮮到人氣烤肉，以至精緻嘅甜品雪糕，應有盡有。
海鮮特別推介生蠔、龍蝦，仲有各式清蒸海鮮，人氣即煎鴨肝、烤肉等。
值得一提嘅係，餐廳特設 DIY 雞尾酒專區，晚餐時段可以親手調製獨一無二嘅雞尾酒，更添氣氛！
2025自助餐生日優惠 – 香港康得思酒店自助餐 The Place｜ 詳情
2025 自助餐生日優惠｜1.3. 朗廷酒店自助餐 – The Food Gallery
尖沙咀朗廷酒店嘅The Food Gallery地點方便，環境舒適，因此一直都好受歡迎。
必試招牌海鮮包括新鮮即開生蠔、冰鎮波士頓龍蝦、雪花蟹腳同加拿大青口，每款都鮮味十足。
而精選熱食就有牛扒、羊架、足料燉湯等。另外仲有多款精緻甜品及雪糕任食，一定要試埋大受好評嘅心太軟！
2025自助餐生日優惠 – 朗廷酒店自助餐 The Food Gallery｜ 詳情
2025 自助餐生日優惠｜1.4 唯港薈Hotel ICON – The Market 自助餐
The Market自助餐提供多款地道菜，包括東南亞菜、中式糕點、日本料理同西式美食等，當中以優質海鮮同榴槤甜品最受歡迎。
自助餐有早午晚、早午餐同下午茶時段，所以無論幾時嚟都可以食盡多國美饌。
充滿活力、創新而不失傳統正宗製法喺The Market秉承嘅特色，都喺唯港薈所忠於嘅價值。
最受歡迎嘅榴槤甜品包括迷你榴槤芝士撻同榴槤咖央菠蘿包，甜品齒頰留香，沉醉喺榴槤飄香之中！
精選熱食有炒龍蝦尾、避風塘炒蟹、酥皮海鮮濃湯、巴東牛肉、 各式咖喱、蒜蓉蒸扇貝、芝士焗扇貝等。
享用海鮮主菜後，記得食埋自助餐提供嘅精選甜品，焦糖布丁同抹茶布丁蛋味濃郁，重點推介！
2025自助餐生日優惠 – 唯港薈自助餐｜詳情
- 地址：香港尖沙咀科學館道17號唯港薈2樓
- 優惠及預訂：按此即享優惠
2025 自助餐生日優惠｜1.5 九龍海逸君綽酒店自助餐 – The Promenade
The Promenade自助餐以維港夜景為一大亮點，食物質素亦都廣受讚譽，係十分受歡迎嘅自助餐選擇。
餐廳提供各式各樣嘅國際美食，有即開新鮮生蠔、俄羅斯雪花蟹腳、麵包蟹、北海道扇貝、甜蝦刺身、澳洲羊架、燒加拿大有骨牛肉等。
甜品有必食嘅招牌芒果拿破崙以及多款口味嘅Häagen-Dazs脆皮雪糕批同Mövenpick雪糕。
2025自助餐生日優惠 – 九龍海逸君綽酒店自助餐 The Promenade｜ 詳情
2025 自助餐生日優惠｜1.6 美麗華酒店自助餐 – Yamm
美麗華酒店嘅Yamm自助餐屢獲殊榮，一向都係熱門酒店自助餐之選。
自助餐供應多款新鮮空運海鮮，精選推介波士頓龍蝦、即開生蠔、鱈場蟹腳等，亦都有唔同款嘅時令刺身壽司，鐘意食海鮮嘅你千祈唔好錯過！
除咗海鮮，佢哋嘅香煎鴨肝同巴馬火腿都一定要試。
餐廳仲設有即席烹調站，供應日本、印度、東南亞及西式美食，以及現場製作嘅甜品。
2025自助餐生日優惠 – 美麗華酒店自助餐 Yamm｜ 詳情
2025 自助餐生日優惠｜1.7 香港W酒店自助餐 – KITCHEN
KITCHEN以現代化風格裝修，可以望到一望無際的優美海景，景觀一流。
自助餐提供豐富嘅國際及亞太地區美食，精選凍海鲜有龍蝦、藍青口、長腳蟹、麵包蟹等，亦有多款唔同刺身，啱哂愛海鮮嘅朋友。
甜品種類都有好多唔同嘅選擇，除咗有多款蛋糕，仲有多款口味嘅Häagen-Dazs 雪糕同中西甜品、糕點。
2025自助餐生日優惠 – 香港W酒店自助餐 KITCHEN｜ 詳情
2025 自助餐生日優惠｜1.8 香港嘉里酒店自助餐 -大灣咖啡廳
香港嘉里酒店自助餐唔單止食物種類琳瑯滿目，最吸引嘅係餐廳坐擁無敵維港景，可以一邊歎美食，一邊欣賞香港最靚嘅夜景，夠晒氣派！
餐廳採用開放式廚房設計，可以睇住師傅即場炮製美食。蒸籠冒出嘅熱氣、鐵板燒滋滋作響、甜品師傅精心裝飾蛋糕、即焗葡撻同芒果布甸，好似睇表演咁精彩！
除咗有齊上面講嘅美食之外，最令人驚喜嘅係佢哋嘅冰鎮海鮮區。大大隻嘅長腳蟹同麵包蟹、新鮮彈牙嘅大蝦同青口，擺到成座山咁高。
2025自助餐生日優惠 – 香港嘉里酒店自助餐 大灣咖啡廳 ｜詳情
- 地點：九龍紅磡黃埔花園德豐街20號
- 優惠及預訂：按此預訂即享優惠
2025 自助餐生日優惠｜1.9 香港麗思卡爾頓酒店 The Ritz – Café 103
講到生日去食自助餐嘅奢華之選，Café 103絕對唔可以走錯過。
位於香港麗思卡爾頓酒店103樓，高層景觀一流，落地玻璃望出去就係維港靚景，坐喺窗邊食飯，好不享受。
餐廳採用絲絨長台同柔和燈光，環境高雅舒適，正適合慶祝生日！
除咗高質自助午餐同晚餐，佢哋嘅招牌下午茶都好出名，甜品賣相靚到好似藝術品咁，配返杯香濃飲品真係一流。
主菜方面，烤牛排肉質嫩滑又多汁，帶有陣陣炭香。鍾意食海鮮嘅話，刺身、生蠔都好夠新鮮，無論一家大細定同朋友黎都會食得開心又滿足。
2025自助餐生日優惠 – 香港麗思卡爾頓酒店 The Ritz – Café 103｜ 詳情
2025 自助餐生日優惠｜1.10 恆豐酒店自助餐 Prudential Hotel
想搵個地點靚、食物夠豐富又抵食嘅生日自助餐選擇，恆豐酒店真係值得一試。
餐廳主打新鮮海鮮，啲生蠔、蟹腳、蝦、鮑魚每日新鮮供應，啱晒鐘意海鮮嘅你。
除咗凍海鮮，仲有唔少即製熱葷，廚師現場即煮，無論係西式扒類、日式燒物，定中式熱炒，款款都夠水準，熱辣辣上枱，味道又夠濃。
甜品方面都唔馬虎，人氣推介3.6北海道牛乳布甸，奶味香滑得黎又唔膩口；法式焦糖燉蛋甜而不膩，焦糖層燒得啱啱好。另外，仲有Häagen-Dazs同 Mövenpick 多款口味雪糕杯，真係甜品控福音。
2025自助餐生日優惠 – 恆豐酒店自助餐｜詳情
2025 自助餐生日優惠｜1.11 都會海逸酒店自助餐 – Promenade Restaurant
Promenade自助餐一直以豐富嘅食物款式同優美嘅用餐環境聞名。無論係自助午餐、晚餐，都提供多樣化的國際美食，有唔同嘅選擇。
精選美食有新鮮生蠔、雪花蟹腳、海鮮拼盤、雜錦剌身、香煎鴨肝、燒原條有骨肉眼、時令燉湯等，每一款都令人難以抗拒。
甜品必試芒果拿破崙同即製嘅班戟，仲有小朋友最鍾意嘅朱古力噴泉、任飲汽水！
2025自助餐生日優惠 – 都會海逸酒店自助餐 Promenade Restaurant｜ 詳情
2025 自助餐生日優惠｜1.12 九龍酒店自助餐 – The Window Cafe
The Window Cafe位置位於黃金地帶，可以一路享受美食， 一路欣賞「黃金一英里」嘅絕佳景觀。
自助餐提供豐富嘅國際美食選擇，包括生蠔、香煎鴨肝、雪花蟹腳、紐西蘭青口、智利藍青口、新鮮刺身以及燒帶骨牛肉等。
甜品就有芒果拿破崙、各式蛋糕、5款Häagen-Dazs雪糕及3款脆皮雪糕批。
2025自助餐生日優惠 – 九龍酒店自助餐 The Window Cafe｜ 詳情
2025 自助餐生日優惠推介｜2. 港島區
2025 自助餐生日優惠｜2.1 香港富麗敦海洋公園酒店自助餐 – Lighthouse Café
位於香港富麗敦海洋公園酒店嘅 Lighthouse Café 提供全天候自助餐，匯聚咗多樣化東西方經典美食。
餐廳與戶外平台相連，客人可以喺享受美食嘅同時，欣賞壯麗海景。
午市以及晚市自助餐都以環球美食為主題，從時令海鮮、刺身到熟食同甜品，款式應有盡有。
餐廳都設即席烹調區，廚師現場炮製多款國際美食、地中海以及亞洲特色菜式。
2025自助餐生日優惠 – 香港富麗敦海洋公園酒店自助餐 Lighthouse Café ｜ 詳情
2025 自助餐生日優惠｜2.2 香港海洋公園萬豪酒店自助餐 – Marina Kitchen
海洋公園萬豪酒店嘅Marina Kitchen自助餐一向都備受好評，除咗食物高質，菜式亦相當精緻。
其中必試菜式包括多款時令新鮮日本刺身，如北海道帶子、油甘魚、多款招牌冰鎮海鮮以及香煎鴨肝配小紅莓醬。
2025自助餐生日優惠 – 香港海洋公園萬豪酒店自助餐 Marina Kitchen｜ 詳情
2025 自助餐生日優惠｜2.3 香港文華東方酒店自助餐 – The Clipper Lounge
位於中環香港文華東方酒店嘅 The Clipper Lounge，以其優雅嘅裝修同高質美食而聞名。
自助餐提供豐富嘅海鮮選擇，包括長腿蟹、波士頓龍蝦、藍青口同鮑魚等，另有烤牛排和羊架等嘅人氣肉類。
甜品選擇都非常豐富，有各式蛋糕、撻、焦糖布丁以及英式蘋果金寶等，仲有文華餅店自家出品嘅芝士蛋糕。
2025自助餐生日優惠 – 香港文華東方酒店自助餐 The Clipper Lounge｜ 詳情
2025 自助餐生日優惠｜2.4 香港萬怡酒店自助餐 – MoMo Cafe Buffet
位於西營盤嘅香港萬怡酒店MoMo Cafe，以親民嘅價格見稱。
餐廳提供新鮮即開生蠔、阿根廷天使紅蝦等冰鎮海鮮，仲有香草烤紐西蘭西有骨肉眼排等嘅熱食。
甜品區仲設有12款唔同味道嘅Movenpick雪糕以及豐富嘅配料任君選擇。
另外，自助餐套餐仲可以無限暢飲Stella Artois生啤。
2025自助餐生日優惠 – 香港萬怡酒店自助餐 MoMo Cafe Buffet｜ 詳情
2025 自助餐生日優惠｜2.5 香港美利酒店 The Murray – Garden Lounge
如果你想搵個靚景又有格調嘅地方慶祝生日，香港美利酒店嘅 Popinjays 都係一個唔錯嘅選擇。
餐廳位於酒店高層，落地窗正對中環天際線，視野開揚，日間陽光自然灑入餐廳，夜晚可盡覽浪漫城市夜景，環境優雅。
無論日頭定夜晚坐喺度，都有唔同嘅感覺。氣氛一流，啱晒慶祝節日、生日或者拍拖。，
Popinjays 嘅「午後時光」下午茶好有口碑，頭盤有幾款地道意式鹹點，例如番茄香草牛油包、風乾火腿、芝士配橄欖，款款開胃。
甜品方面就由甜品師傅每日新鮮製作，包括朱古力撻、泡芙、果撻、蛋糕等，精緻得嚟味道層次好豐富，打卡又靚又好味。
如果你想再升級享受，仲可以加配Ruinart香檳或者魚子醬，感覺即刻奢華晒。
除咗下午茶，Popinjays 嘅晚市餐單同樣有驚喜，主打現代歐陸菜，無論係海鮮、牛扒定素食選擇都有一定水準。
用料講究，擺盤靚，每一道菜都睇得又食得。侍應服務亦都好貼心，唔會太打擾，又會適時介紹菜式特色，令人覺得高級得嚟又舒服。
總括嚟講，Popinjays 唔單止係一間睇得景嘅餐廳，更加係一個適合慶祝、聚會、放鬆心情嘅空間。
無論係中午嚟歎個下午茶，定係夜晚約朋友飲返杯，呢度都可以令你搵到屬於自己嘅「城市靜角」。
2025自助餐生日優惠 – 香港美利酒店 Popinjays
- 地址：中環紅棉路22號香港美利酒店26樓
- 優惠及預訂：按此即享優惠
2025 自助餐生日優惠｜2.6 香港港麗酒店 Conrad Hong Kong – 樂聚廊 Lobby Lounge
講到氣氛靚、食物又有特色嘅酒店自助餐，香港港麗酒店嘅樂聚廊真係唔可以唔提。
無論你係想喺平日中午嚟個充滿異國風情嘅午餐，定係週末晚上同朋友放鬆心情歎番餐，「樂聚廊」都可以滿足你。
如果你鍾意香料味濃郁、層次豐富嘅菜式，佢哋而家推出嘅「印度風情自助午餐」一定啱你口味。
由印籍主廚 Rawat Raju Singh 坐鎮，佢用心挑選印度入口嘅香料同食材，用傳統煮法炮製出一系列正宗印度美食。
由開胃嘅印式沙律、小吃，到香濃熱湯、咖哩主菜，再到甜品，每一樣都食得出佢對印度菜嘅熱情同功夫。
咖哩雞、燴羊肉、香料飯、脆餅同埋甜品gulab jamun，全部都色香味俱全，唔使飛印度都可以喺香港歎到道地風味。
餐廳燈光柔和，現場仲會有輕音樂演奏，令整個用餐過程更添氣氛，一邊食一邊聽，令人完全放鬆落嚟。
2025自助餐生日優惠 – 香港港麗酒店 Conrad Hong Kong – 樂聚廊 Lobby Lounge｜ 詳情
2025 自助餐生日優惠｜2.7 港島香格里拉 Island Shangri-La Hong Kong – Cafe TOO
呢間位於港島香格里拉酒店嘅咖啡廳，唔單止裝潢時尚，氣氛悠閒，仲將「食+睇」嘅概念玩到出神入化。
餐廳設有多個即場烹調櫃枱，分成唔同主題嘅「廚房舞台」，每位廚師都喺自己崗位上表演精湛手藝。睇住佢哋煮，食物未入口已經令人期待！
菜式方面包羅萬有，意粉區有即製義大利麵，配料自己揀，醬汁香濃又夠熱；亞洲小食區有點心、燒味、咖哩、日式天婦羅，連素食選擇都照顧得好周到。
鍾意食海鮮嘅你都唔會失望，新鮮凍蝦、生蠔、青口、蟹腳樣樣齊，仲會定時換款，保持新鮮感。
環境方面，cafe TOO座位闊落、環境高雅，加埋酒店級嘅服務，無論係兩個人想靜靜地慶祝生日，定係一大班人開開心心聚餐，呢度都好啱。
2025自助餐生日優惠 – 港島香格里拉 Island Shangri-La Hong Kong – Cafe TOO｜ 詳情
2025 自助餐生日優惠｜2.8 香港合和酒店 大堂咖啡廳
如果想搵個環境舒服又有啲儀式感嘅地方食餐好，可以考慮下大堂咖啡廳嘅半自助晚餐。
餐廳裝潢開揚，氛圍溫馨而唔失格調，啱晒一家大細聚餐。半自助形式自由度高，主菜可以自由加配，但自助部分已經好足料。
冰鎮海鮮有鱈場蟹腳、青口、翡翠螺、鮮蝦等，全部鮮味十足。
冷盤區有日式雜錦壽司、三文魚同吞拿魚刺身，鍾意食刺身嘅人一定開心。
中式點心方面會輪流供應蝦餃、燒賣、叉燒酥等等，全部即蒸即熱。
熱食就包括香辣雞翼、甜酸魚柳、茄子肉碎煲、白酒青口、日式咖喱雞等中西美饌。
另外有中西熱湯選擇，例如忌廉蘑菇湯或老火例湯，暖胃又滋味。
沙律吧都好豐富，有凱撒沙律、他他醬煙三文魚、涼拌意粉、芝麻菠菜等。
主菜可以用優惠價加配，有香煎三文魚柳配檸檬牛油汁、燒美國豬鞍架、黑松露忌廉意粉、烤羊架等等，提升整個晚餐層次。
甜品區同樣吸引，有精美西式甜品、時令水果、仲有Mövenpick雪糕唔同口味任食。
整體嚟講，食物選擇多，質素唔錯，而且餐廳環境又夠氣派，食得開心又唔會傷荷包！
2025自助餐生日優惠 – 香港合和酒店半自助晚餐
- 地址：香港灣仔堅尼地道15號
- 優惠及預訂：按此即享優惠
2025 自助餐生日優惠｜2.9 香港東隅 – FEAST
如果你鍾意靜中帶雅，又唔想成晚喺人聲鼎沸嘅餐廳度慶祝生日，咁東隅酒店嘅 FEAST 絕對值得一試。
呢間餐廳以簡約現代風設計，空間感十足，最特別係佢有提供私人包廂，私隱度高，氣氛又靜，無論係情侶二人世界，定係一班friend想安靜食餐好嘢傾下心事，呢度都啱晒。
FEAST 喺平日（星期一至四）同週末（星期五至日及公眾假期）都有自助晚餐供應，仲會定期喺網上推出唔同優惠，早啲book位就有機會以抵價享受高質晚餐，非常吸引。
自助餐有齊沙律、冷盤同前菜任取，食得健康又開胃。海鮮方面有凍蝦、青口、蜆、蟹腳等，全部都夠冰凍又無腥味，配埋檸檬汁同自家製醬汁更加提鮮。
主菜方面就融合咗西式同亞洲風味，有烤羊架、燒牛肉、意粉、咖哩、日式燒雞翼等等，每一道都食得出認真製作。
唔少人都推介佢哋嘅烤海鮮同慢煮肉類，火候控制得啱啱好，外脆內嫩，啖啖肉汁。
甜品方面都有驚喜，唔係得普通蛋糕咁簡單，仲有手工甜點、朱古力撻、焦糖燉蛋同幾款特色甜湯。再配返杯咖啡或者茶，完美結尾。
總括嚟講，FEAST 嘅自助晚餐勝在夠靜、夠私密、食物有水準，而且氣氛有格調，非常適合想過一個舒服又唔誇張嘅生日聚會。
2025自助餐生日優惠 – 香港東隅 – FEAST
2025 自助餐生日優惠｜2.10 南灣如心酒店自助餐 – I-O-N
I-O-N自助餐廳環境舒適，設有自助午餐及晚餐，食物種類豐富，啱哂同屋企人朋友一齊試下。
自助餐供應各式冰鎮海鮮，包括最受歡迎嘅麵包蟹同雪花蟹腳，亦有沙律吧同佢哋招牌湯麵吧。
酒店大廚精心炮製多款誘人嘅甜點糕點，所以記得要留肚食甜品啊～
2025自助餐生日優惠 – 南灣如心酒店自助餐 I-O-N｜ 詳情
2025 自助餐生日優惠｜2.11 香港柏寧酒店自助餐 – PLAYT
PLAYT餐廳採用時尚嘅工業風格同開放式廚房設計。自助餐供應各式冷熱盤、壽司刺身及時令菜式，可以滿足到啱同口味嘅需求。
其中精選菜式包括龍蝦、即開生蠔、香煎肉扒同煎鴨肝。另外，仲有土耳其薄餅同傳統嘅印度天多尼菜式，啱哂想試唔同菜式嘅大家。
而甜品方面，推薦大家試試酒店自家製嘅意式雪糕！
2025自助餐生日優惠 – 香港柏寧酒店自助餐 PLAYT｜ 詳情
2025 自助餐生日優惠推介｜3. 新界區及離島區
2025 自助餐生日優惠｜3.1 WM酒店 – WM咖啡廳
WM 咖啡廳位於WM酒店 LG 樓層，餐廳室內設計以「從日出到日落」為題，運用橙色和木系啡色嘅裝潢，落地玻璃窗讓日光透進餐廳，營造出充滿活力同溫暖嘅氛圍。
酒店不時推出特色主題，近期每晚供應多款極品和牛美饌，包括海鹽香草烤澳洲和牛西冷、鹽燒和牛舌以及現烤和牛即製迷你漢堡等，細細品味和牛肉嘅醇厚與精緻風味。（按此查看最新自助餐菜單）。
晚飯過後，仲有一系列嘅特色燕窩主題美食及甜點，分別有芒果燕窩杏仁朱古力果撻，開心果芒果慕斯配燕窩等。
2025自助餐生日優惠 – WM酒店 – WM咖啡廳｜ 詳情
2025 自助餐生日優惠｜3.2 沙田萬怡酒店自助餐 – MoMo Cafe
MoMo Cafe位於沙田萬怡酒店2樓。餐廳採用咗現代化嘅設計，打造出明亮清新嘅環境氛圍。
自助餐匯集咗多款中西美食，必食首選冰鎮海鮮，包括現開生蠔、鱈場蟹腳、泰式生蝦、黃金螺、冰凍蟹同藍青口等。
另外有多款壽司刺身、烤肉、湯品等可以任食。
甜品更有無限供應MÖVENPICK雪糕同各式各樣嘅蛋糕！
2025自助餐生日優惠 – 香港沙田萬怡酒店 MoMo Cafe｜ 詳情
2025 自助餐生日優惠｜3.3 荃灣帝盛酒店 – Dorsett Café
想試下門但又有驚喜嘅酒店自助餐，荃灣帝盛酒店嘅 Dorsett Café 絕對係個唔錯嘅選擇。
自助餐勝在價錢親民，每人$195起就可以任食海鮮、多款熱食、湯麵同甜品，經網站預訂仲有低至6折優惠，絕對係高CP值之選！
如果你嘅預算唔多，又想食下buffet慶生，過個唔一樣嘅生日，呢間酒店都可以一試！
2025自助餐生日優惠 – 荃灣帝盛酒店 – Dorsett Café ｜ 詳情
2025 自助餐生日優惠｜3.4 香港黃金海岸酒店自助餐－Café Lagoon
Café Lagoon設計揉合唔同顏色嘅圖案，締造咗明亮鮮艷以及充滿海洋氣息嘅格調。
用餐區設有多個即煮美食站，為客人即製佳餚，仲設有兒童專屬甜品小天地，提供小朋友最愛嘅甜點美食。
喺夜晚，戶外用餐區仲會供應唔同嘅燒烤美饌，極具風味。
2025自助餐生日優惠 – 香港黃金海岸酒店自助餐 Café Lagoon｜ 詳情
2025 自助餐生日優惠｜香港挪亞方舟度假酒店 – Harvest Restaurant
如果你想搵個遠離煩囂、環境靚又有渡假feel嘅地方慶祝生日，咁香港挪亞方舟度假酒店嘅豐盛閣餐廳就非常啱你喇。
餐廳氣氛清靜舒服，位置一流，坐落東灣旁邊，裝潢時尚又寬敞，落地玻璃望出去就係無敵大海景，再遠啲仲睇到青馬大橋同汀九橋，風景真係冇得輸。
至於食物方面，豐盛閣主打國際美食，款式夠多樣化，有冷盤、熱葷、西式小點、中式熱菜同甜品，每款菜式都用心製作，味道唔馬虎。
海鮮如凍蝦、青口每日即日供應，品質有保證。熱食有香煎羊架、燒美國牛肉等等。
甜品方面有經典芝士蛋糕、朱古力慕絲、鮮果撻，甜品控一定滿足。
總括嚟講，Harvest Restaurant 唔單止食物有水準，最吸引係佢個海景同悠閒氣氛，真係好有渡假感覺。
下次想遠離鬧市，慢慢歎住風景過個輕鬆又有質感嘅生日聚會，呢度就啱晒你喇。
2025自助餐生日優惠 – 香港挪亞方舟度假酒店自助晚餐 Harvest Restaurant ：
2025 自助餐生日優惠｜3.5 香港天際萬豪酒店 – 天際咖啡室
位於香港國際機場附近嘅天際咖啡室，有多款食物選擇而聞名。
提供多款新鮮海鮮，以及有多個即製美食站，可以提供熱辣辣嘅美食。
而甜品種類都有唔少嘅選擇，一定要試佢哋即制嘅班戟。
2025自助餐生日優惠 – 香港天際萬豪酒店 天際咖啡室｜ 詳情
2025 自助餐生日優惠｜3.6 旭逸酒店 ‧ 荃灣Hotel Ease Tsuen Wan – Eat@ease
想喺荃灣搵個地方慶祝生日，又想食得豐富又有質素，旭逸酒店嘅 Eat@ease 就係唔錯嘅選擇。
呢度提供半自助同全自助餐，菜式多元化，無論你係鍾意西餐定係中菜，甚至係亞洲風味，都有得揀，啱晒唔同口味嘅朋友。
週末自助晚餐就更豐富，提供即開生蠔、鱈場蟹腳、冰鎮海鮮拼盤。
廚師推介時令海鮮、澳洲羊扒配蒜蓉紅酒汁同脆皮燒乳豬，肉質嫩滑外皮香脆，絕對係焦點菜式。
甜品方面亦都唔遑多讓，有多款中式糖水、精緻甜品同鮮果。
總括嚟講，Eat@ease 不但菜式多樣，食材新鮮，環境寬敞舒適，加上每星期輪流更新菜單，令你每次嚟都有新鮮感！今個生日不妨帶埋親朋戚友嚟試吓，享受一個豐富又難忘嘅生日晚餐。
2025自助餐生日優惠 – 旭逸酒店 荃灣 Hotel Ease Tsuen Wan Eat@ease
- 地址：葵涌梨木道圳邊街15-19號旭逸酒店．荃灣1樓
- 優惠及預訂：按此預訂即享優惠
無論你係想喺高樓打卡、海景下慢慢嘆、定係同成班朋友開個開心派對，以上介紹嘅酒店自助餐都各有特色，啱晒唔同風格、唔同預算嘅你。
生日一年一次，點都要對自己好啲，搵間靚餐廳，好好同自己、同身邊人慶祝一下啦！
記住，想緊貼更多 自助餐優惠、酒店相關嘅著數情報，就一定唔好錯過我哋 HotelJetso。
快啲 bookmark 我哋網站，follow 埋我哋 IG 同 Facebook，著數優惠唔再錯過，下一次約會、生日、Staycation，就由 HotelJetso 幫你諗掂晒！
HotelJetso 係一個酒店自助餐及下午茶優惠資訊網，網站整合咗全港最新嘅酒店餐飲優惠情報，包括自助午餐優惠、半自助午餐優惠、自助晚餐優惠、酒店下午茶優惠等，優惠種類非常齊全，對於想找酒店自助餐及下午茶優惠嘅你好有幫助！